වොල්ගා කල්පනී කියන්නේ අපේ රටේ ඉන්න ජනප්‍රිය රංගන ශිල්පිනීයක් කැපකිරීම ජීවිතේ ජීවත්වෙද්දී කැපකිරීම කියලා කියන්නේ නැතිවම බැරි දෙයක් මගේ ජීවිතෙත් එහෙම කැපකිරීම් කරලා තියෙනවා මගේ ජීවිතේ කරපු ඒ කිසිම කැපකිරීමක් ගැන මම පසුතැවෙන්නේ නැහැ රංගනය කියන මගේ වෘත්තිය කරද්දී කාලය ශ්‍රමය සියල්ල වෘත්තිය වෙනුවෙන් කැපකරන්න සිදුවෙනවා මහන්සියක් නොබලා අපිට වැඩ කරන්න සිදුවෙනවා කලාවට තියෙන විශේෂ ආදරය නිසා මම ඒ කැපකිරීම කරනවා සමහර කැපකිරීම් ජීවිතේ මා වටා ඉන්න අනිත් පිරිස සතුටින් ඉන්න ඕනේ නිසා මම කැපකිරීම් කරලා තියෙනවා ඉරිසියාව ඉරිසියාව කියන දේ මගේ ජීවිතේ ඇත්තේම නැහැ ඉරිසියාව කියන දේට මම කොහොමටත් අකමැතිම කෙනෙක් මට නැති දෙයක් තව කෙනෙකුට තිබීම සම්බන්ධව මම කවදාවත් ඉරිසියා කරන්නේ නැහැ අපිට මිනිස් ආත්මයක් ලැබිලා තියෙන්නේ අප යම් කුසලයක් කරලා තියෙන නිසයි ඉරිසියාව කියන්නේ මේ මිනිස් ආත්මයට නොගැලපෙන දෙයක් කඩා වැටීම මගේ ජීවිතේ තැන් කිහිපයකදී කඩා වැටීම් වුණා මේ කඩාවැටුණු තැන්වලදී මම මානසිකව පීඩා වින්දා මට හිතෙන්නේ ඕනෑම කෙනෙකුගේ ජීවිතයකට කඩා වැටීම් අවශ්‍යයි කඩා වැටීමකදී නැඟිටින නැගිටිල්ල ආයෙ කාටවත් රිද්දන්න කාටවත් කඩා වට්ටන්න බැහැ ජීවිතේ රිදෙන්න රිදෙන්න අපි ශක්තිමත් වෙනවා කියලයි මම විශ්වාස කරන්නේ.
ප්‍රථම ප්‍රේමය මට දැනෙන හැටියට මගේ ප්‍රථම ප්‍රේමය ජීවිතේ හරි ලස්සන අත්දැකීමක්. ඒක උසස් පෙළ දෙවැනි අවුරුද්දේදී ඇතිවුණ ආදරණීය ප්‍රේමයක්. එක් හරි ලස්සනයි. සුන්දරයි. දැන් මට හිතෙන්නේ ආදරේ ඒ තරමටම සුන්දර වුණා නම් කොච්චර හොඳද කියලයි. ඒ ප්‍රථම ප්‍රේමයට ආදරය කරනවා. ඒ ප්‍රථම ප්‍රේමයේ සංකේත අදටත් මා ළඟ තියෙනවා. කවදාහරි දවසක ඒ ප්‍රථම ප්‍රේමයම මා ළඟට ඒවිද කියලත් මම දන්නේ නැහැ. ආදරය මට දැනෙන විදිහට මේ ආදරය අකුරු හතරක තියෙන සරල සුන්දර දෙයක් නෙවේ. හැම මොහොතක කියන්නේත් මගේ ළඟ තිබෙන ආදරය හරි පිරිසිදුයි කියලයි. ආදරය කියන දේ කිළිටි කරගන්න හොඳ නැහැ කියලා මම විශ්වාස කරනවා. ආදරය කියන දේ තුළ විවේචනයක් නැහැ. ආදරයට, පළිගැනීම් නැහැ. ආදරය කියන දේ තුළ වෛරය නැහැ. ආදරය පිරිසිදු දෙයක්.
රාජය මම පරාජය හොඳින් දරාගන්න පුළුවන් කෙනෙක්. ජීවිතේ කවදාවත් මම හිතින් පරාජය වෙලා නැහැ. හැබැයි සමාජය ඉදිරියේ සමහර වෙලාවට මම පරාජ වෙච්චි තැන් ඇති. සමාජයේ මිනිසුන් මාව පරාජය කරවන්න ඇති. හැබැයි මම කරන දේ මම කරපු දේ හරියට කරපු කෙනෙක් නිසා මම හිතින් පරාජය වෙලා නැහැ. සමාජය ඉදිරියේ ඔවුන් මම පරාජය වෙලා ඇති කියලා හිතෙන හැම මොහොතකම මම හිත හයිය කරගත්තා. මම බුදුන්, දෙවියන්, ජේසු, සොබාදහම අදහන කෙනෙක්. මම නිතරම ඔවුන් එක්ක ගනුදෙනු කරනවා. ඔවුන් එක්ක ගනුදෙනු කරද්දී මම මොනවද කළේ. මොනවද කරන්නේ කියලා ඔවුන් දන්නවා. ඒ නිසා මම පරාජය වෙලා නැහැ. ජයග්‍රහණය මගේ ජීවිතේ පරාජයන්වලට වඩා ජයග්‍රහණයන් තමයි මගේ ජීවිතේ තියෙන්නේ. ඒ සියලු ජයග්‍රහණ ගැන නිහතමානීව සතුටු වෙනවා. ආඩම්බර වෙනවා. ජයග්‍රහණයන් කියනම දේ තනියම කරන්න බැහැ. ඒ නිසා මගේ ජීවිතේ ජයග්‍රහණයන්වලට දායකවුණ හැමෝටම ස්තූතිවන්ත වෙනවා.
ඉලක්කය මම ඉලක්කයකට යනව කිව්වොත් යනවාමයි. මම දෙයක් ඕන කියලා හිතුණොත් ඒක කොහොම හරි ලබාගන්නවා. මම අහම්බෙන් රංගන ශිල්පිනියක් වෙච්චි කෙනෙක් නෙමේ. මම උවමනාවෙන්, කැමැත්තෙන්, උත්සාහයෙන් රංගන ශිල්පිනියක් වුණ කෙනෙක්. ඒ නිසා මට ඉලක්කයක් තිබුණහොත් මම ඒ ඉලක්ක සපුරා ගන්නවාම තමයි. ඔබ කවුද? මට දැනෙන විදිහට මම බොහෝම සරල, අනුන්ගේ ඕපාදූපවලට කැමති නැති, මගේ පාඩුවේ පොළොවේ පයගහලා ඉන්න කෙනෙක්.
