උතුරු මුහුදේ සිදු කළ විශේෂ මෙහෙයුමක දී අනවසරයෙන් ධීවර කටයුතුවල නිරත වූ ඉන්දීය ධීවරයින් 24 දෙනෙකු සමග යාත්‍රා 5ක් නාවික හමුදා භාරයට ගෙන තිබෙනවා.
ඊයේ (28) පස්වරුවේ යාපනය, කරෙයිනගර්, කෝවිලන් ප්‍රදීපාගාරයට ඔබ්බෙන් වූ මෙරට මුහුදු සීමාවේ දී මොවුන් සිය භාරයට ගෙන ඇති බවයි නාවික හමුදාව සඳහන් කළේ.
නාවික හමුදා භාරයට ගැණුනු ධීවරයින් 24 දෙනා සහ යාත්‍රා කන්කසන්තරය වරාය වෙත රැගෙන ගොස් ඇති අතර, ඉදිරි නීතිමය කටයුතු සඳහා යාපනය – මයිලඩි ධීවර පරීක්ෂක කාර්යාලය වෙත භාරදීමට නියමිත යි.
