නේපාලය මුහුණදුන් දරුණුතම ගුවන් අනතුරෙන් පසු අද දින (16) එරට ශෝක දිනයක් ලෙස ප්‍රකාශයට පත් කර තිබෙනවා.
ඊයේ (15) උදෑසන නේපාලයේ සංචාරක නගරයක් වෙත පියාසර කරමින් තිබූ නේපාල ගුවන් යානයක් කඩා වැටීමෙන් පුද්ගලයන් 68 දෙනෙකු ජීවිතක්ෂයට පත්වුණා.
එහි විදේශිකයන් 15 දෙනෙකු සහ කාර්ය මණ්ඩල සාමාජිකයින් හතර දෙනෙකු ඇතුළුව මගීන් 68 දෙනෙකු සිටි බවයි නේපාල සිවිල් ගුවන් සේවා අධිකාරිය නිවේදනය කළේ.
එම විදේශිකයන් අතරට ඉන්දියානුවන් පස් දෙනෙකු, රුසියානුවන් හතර දෙනෙකු, දකුණු කොරියානුවන් දෙදෙනෙකු සහ අයර්ලන්තය, ඕස්ට්‍රේලියාව, ආර්ජන්ටිනාව සහ ප්‍රංශය යන රටවලින් එක් අයෙකු බැගින් සිට තිබෙනවා.
