පන්දුවාර විස්ස ලෝක කුසලාන ක්‍රිකට් තරගාවලිය අතරතුර දී ඔස්ට්‍රෙලියාවේ සිඩ්නි නුවර දී කාන්තාවකට ලිංගික අඩත්තේට්ටම් කිරීම සම්බන්ධයෙන් එරට පොලීසිය විසින් අත්අඩංගුවට ගෙන අධිකරණයට ඉදිරිපත් කළ ශ්‍රී ලංකා ක්‍රිකට් ක්‍රීඩක දනිශ්ක ගුණතිලක ඇප ලැබීමෙන් පසුව අද(22) පළමුවරට සිඩ්නි නුවර පොලිස් ස්ථානයක් ඉදිරිපිට දී දැක ගන්නට ලැබුණා.
ඒ ඔහුගේ ඇප කොන්දේසි යටතේ පොලිසියට වාර්තා කිරීමට පැමිණි අවස්ථාවකදී යි.31 හැවිරිදි ධනිෂ්ක ගුණතිලක මෙලෙස ඔහුගේ දෛනික වාර්තාකරණය සඳහා සිඩ්නි හි වයඹ දෙසින් පිහිටි ඊස්ට්වුඩ් පොලිස් ස්ථානයට ඇතුළු වූ විට මෙම ඡායාරූප ගෙන තිබෙනවා.
ඔහු නිල් පැහැති සුබාරු රථයකින් පැමිණියේ නිල් පැහැති කලිසමක් සහ සුදු රැල්ෆ්-ලෝරන් කමිසයකින් සැරසී තවත් ආධාරකරුවෙකු ව සමගයි.ධනිෂ්ක ගුණතිලක අත්අඩංගුවේ පසුවීමෙන් පසු ඔහු ප්‍රසිද්ධියේ පෙනී සිටි පළමු අවස්ථාව මෙයයි.
