එරාවූල් ප්‍රදේශයේ පශු වෛද්‍යවරයෙකු අල්ලස් ලබා ගැනීමේ සිද්ධියක් සම්බන්ධයෙන් අත්අඩංගුවට ගෙන තිබෙනවා. ඒ ගවයින් ලියාපදිංචි කිරීමේ කටයුත්තකදී රුපියල් විසි හය දහසක මුදලක් අල්ලස් ලෙස ලබාගැනීමට තැත් කිරීම සම්බන්ධයෙන්. අල්ලස් හෝ දූෂණ විමර්ශන කොමිසමට ලද පැමිණිල්ලක් මත අදාළ අල්ලස් මුදල ලබාගන්නා අවස්ථාවේ සැකකාර පශු වෛද්‍යවරයා අත්අඩංගුවට ගෙන ඇති බව සඳහන්. සැකකරු වැඩිදුර විමර්ශන සඳහා එරාවූර් පොලීසිය වෙත බාර දී තිබෙනවා.
