ඊජිප්තුවේ කයිරෝ හි පැසිපන්දු තරගයක් අතරතුර ක්‍රීඩාංගණයේ ප්‍රේක්ෂකාගාරය කඩා වැටීමෙන් සිදුවු අනතුරකින් පුද්ගලයින් 27 දෙනෙකු පමණ තුවාල ලබා තිබේ.
අනතුර සම්බන්ධයෙන් නිල නිවේදනයක් නිකුත් කරමින් ඊජිප්තු සෞඛ්‍ය අමාත්‍යංශය අදාළ තොරතුරු ප්‍රකාශයට පත් කර ඇති බව විදෙස් මාධ්‍ය වාර්තා කළේය.
තුවාල ලැබුවන්ගෙන් බොහෝ පිරිසක් අස්ථි බිදීම්වලට ලක්ව ඇති බව ඊජිප්තු සෞඛ්‍ය අමාත්‍යංශය පෙන්වාදී තිබේ.
තරගයක් අතරතුර ප්‍රේක්ෂකාගාරය කඩාවැටීමේ අනතුර සම්බන්ධයෙන් සොයාබැලීම සඳහා එරට තරුණ හා ක්‍රීඩා අමාත්‍ය අෂ්රෆ් සෝබි විසින් විශේෂ කමිටුවක් ද පත්කර ඇති බව විදෙස් වාර්තා වැඩිදුරටත් සඳහන් කළේය.
