ශ්‍රී ලංකා කණ්ඩායමේ දිගින් දිගටම මතුවන ක්‍රීඩක ආබාධ හේතුවෙන් ඉදිරියේදීත් යම්කිසි ආදේශන කිරීමක් අවශ්‍ය වුවහොත් ඒ සඳහා ශ්‍රී ලංකා ජාතික කණ්ඩායමේ තවත් ක්‍රීඩකයන් තිදෙනකු අද රාත්‍රියේ ඔස්ට්‍රෙලියාව බලා පිටත් කර හැරීමට ශ්‍රී ලංකා ක්‍රිකට් ආයතනය තීරණය කර තිබෙනවා.
ඒ අනුව කඩුලු රකින පිතිකරු නිරෝෂන් දික්වැල්ල සහ වේග පන්දු යවන්නන් වන අසිත ප්‍රනාන්දු සහ මතීෂ පතිරණ තිදෙනා අද රාත්‍රියේ ඔස්ට්‍රෙලියාව බලා පිටත්ව යනු ඇති.
ඒ අනුව ශ්‍රී ලංකා ක්‍රිකට් ආයතනයේ ඉහළ දක්‍ෂතා මධ්‍යස්ථානයේ ප්‍රධානී ටිම් මැකාස්කිල් ගේ අධීක්‍ෂණය යටතේ ඔවුන් මෙල්බර්න් හි පුහුණුව ලබන අතර, ජාතික කණ්ඩායමට එක්වන්නේ අවශ්‍යතාවයක් මතු වුවහොත් පමණයි.
